3o8               MEMOIRES DE PIERRE DE L'ESTOILE.
« si vous Testes, et que vous eussiez une femme qui se
«fust prostituée en plein b......, la voudriez-vous re-
« prendre quand elle voudroit, revenir ? Or l'heresie, « monsieur mon ami, est une p......» A quoi ledit Ser­moise, baissant la teste, ne dit mot.
Ce jour, nostre maistre Boucher prescha l'evesque de Paris, qui estoit allé à Romme vers le Saint Pere pour moienner quelque accord ; et dit que nostre Saint-pere le Pape avoit fait comme le bon pasteur, qui, voyant le loup venir, y pourvoit, et donne ordre qu'il n'approche de plus prés. Car on avoit eu advis en dacte du S.7 du mois passé, par lettres éscrites de Romme, que j'ai veues et leues, et qui ont couru tout le Palais de Paris, que le Pape estant adverti de la venue dudit seingneur Gondi et marquis de Pisan, leur avoit mandé qu'ils n'eussent à passer outre ; et qu'il avoit usé de ces propres mots : Weiller eorum, me vivente , Romam in-gredientur. Et toutefois M. de Vicq avoit eu advis du 20 de ce mois, par une depesche que le Roy lui avoit envoiee, que l'evesque de Paris estoit à Romme, bien veu et bien venu du Pape : qu'on recongneust depuis une nouvelle à dessein; car le jour Saint-Thomas, ung de mes amis me monstra une lettre d'un sien fils qui estoit avec M. de Paris, par laquelle il lui escrivoit que son maistre estoit demeuré en une abbaie des fauxbourgs de Florence; où estant, le Pape lui avoit fait signifier qu'il n'eust à en bouger, jusques à ce qu'il eust autres nouvelles de Sa Sainteté.
Sur la fin de cest an, le Roy perdist la fleur de sa noblesse en M. de La Noue, tué devant la ville d'Ain-balle en Bretagne : qui estoit un seingneur regrettable à jamais de tous les bons François - tant pour sa vail-
Digitized by